“Ağ Şəhər layihəsi Yol İnfrastrukturunun strateji inkişaf planı” çərçivəsində salınan alternativ yollar Bakı Ağ Şəhərin paytaxt mərkəzilə əlaqəsini rahatlaşdırır.

Bakı Nəqliyyat Agentliyi Yusif Səfərov küçəsindəki hərəkətin əsaslı dəyişdirilməsini yekunlaşdırır. Yusif Səfərov küçəsinin ayırıcı zolaqda artıq 2 keçid yaradılmışdır. Bununla da bu küçədə Nizami Gəncəvi və 28 may küçələri olmaqla 2 yeni kəsişmə yaradılacaq. Yol hərəkətinin tənzimlənməsi məqsədilə burada svetoforlar quraşdırılacaq.

Beləliklə, Nizami küçəsi Sabit Orucov küçəsilə, Mehti Mehtizadə küçəsi isə 28 may küçəsilə birləşəcək, bununla da sürücülər Bakı Ağ Şəhər istiqamətində və Ağ Şəhərdən mərkəz istiqamətində 2 yeni alternativ yol alacaqlar. Bu da ərazidəki nəqliyyat şəraitini əhəmiyyətli dərəcədə yaxşılaşdıracaq.

Layihə çərçivəsində həmçinin, Bakı Ağ Şəhəri birbaşa şəhər mərkəzi ilə birləşdirən Üzeyir Hacıbəyli küçəsinə iki alternativ yol yaradılacaqdır. Bu da Ağ Şəhərdə yaşayan və işləyən minlərlə vətəndaşı yeni nəqliyyat dəhlizi ilə təmin edəcək.